Takim konsultues me EESC, Komiteti Evropian Social-Ekonomik
![Takim konsultues me EESC, Komiteti Evropian Social-Ekonomik](https://i0.wp.com/clr.al/wp-content/uploads/2023/02/EESC.png?fit=1366%2C768&ssl=1)
Më datë 26 Prill 2021, në kuadër të projektit “Rritja e dialogut social dhe përmirësimi i politikave të punësimit në Shqipëri në procesin e integrimit evropian”, përfaqësues të Qendrës Për të Drejtat në Punë në bashkëpunim me përfaqësues të Komitetit Evropian Ekonomik dhe Social (EESC), realizuan një takim për konsultimin e dokumentit strategjik të hartuar nga CLR në të cilin do të paraqitet situata aktuale në lidhje me harmonizimin e legjislacionit të punës me atë përkatës të Bashkimit Evropian dhe zhvillimin sipas modelit evropian të dialogut social në vend sipas parashikimeve të Kapitulli 19 të Acquis Communitaire. Gjithashtu, në këtë dokument strategjik, do të shqyrtohet edhe stadi aktual i njohurive dhe përgatitjes së sindikatave dhe organizatave të shoqërisë civile lidhur me procesin e hapjes së negociatave në përgjithësi si dhe angazhimin e palëve të interesuara në procesin e integrimit me fokus të veçantë negocimin e kapitullit 19-të. Gjatë takimit, pjesëtarë të EESC, e këshilluan stafin e CLR-së dhe ekspertëve të përfshirë në studim, mbi aspekte që janë të rëndësishëm për t’u përfshirë në një dokument strategjik të kësaj natyre. Dokumenti së bashku me studimin e plotë, do të prezantohen në konferencën përmbyllëse të këtij projekti.
Kjo është e disata herë e bashkëpunimit të CLR me EESC në çështje të lidhura me të drejtat e punës dhe dialogut social në Ballkanin Perëndimor. Ky projekt financohet me fonde nga Ministria e Financave (CFCU) dhe Komisioni Europian.