Zhvillohet ne ambientet e kompanise “ALBPETROL” ne Patos, takimi ndermjet perfaqesise se “SINDIKATËS SË RE TË NAFTËTARËVE SHQIPTARË” SRNSH dhe ZV. Ministrit te Infrastruktures DHE Energjise Z. ILIR BEJTJA dhe administratorit te kompanise “ALBPETROL” Z. GENTI GAZHELI.

CLR reagon mbi takimin që u zhvillua më 7 Maj në ambjentet e kompanisë “Albpetrol” në Patos, takimi ndërmjet përfaqësisë së Sindikatës së punonjësve të kompanisë, pjesë e “Sindikatës së Re të Naftëtarëve Shqiptar” SRNSH dhe Zv. Ministrit të Infrastrukturës dhe Energjisë Z. Ilir Bejtja dhe Administratorit të Kompanisë “Albpetrol” Z. Genti Gazheli.

Takimi u zhvillua në vijim të dialogut dhe diskutimeve punëdhënës-punëmarrës sa i përket çështjeve që lidhen me risktrukturimin e kompanisë të nisur prej vitesh si dhe çështjen e pagave të punonjësve të kompanisë e ngritur për diskutim ditët e fundit.

Përfaqësuesit e sindikatës në emër të saj, paraqiten alternativat dhe kërkesat e sindikatës për adresimin e çështjes së pagave, ndërprerjen e shkurtimit të vendeve të punës dhe orientimin e kompanisë drejt konsolidimit si kompani publike.

Sindikata vlerëson ripozicionimin e qeverisë shqiptare për fuqizimin e pozicionit të kompanisë “Albpetrol” si një kompani publike dhe moscënimin e pagave të ulëta të administratës, përveç atyre të naftëtarëve që u ra dakord të mos prekeshin në takimet e mëparshme dhe presim që këto të materializohen sa më shpejt në dokumenta të shkruar dhe me fuqi ligjore për të gjithë.

Për mundësinë e ristrukturimit të pagave të drejtuesve të lartë të kompanisë dhe çështje të tjera diskutimet vazhdojnë.
Orientimi i kompanisë si kompani publike do t’i shërbente konsolidimit të sektorit të nxjerrjes dhe atij të përpunimit të naftës në Shqipëri dhe rritjes së punësimit dhe standarteve të punës për punonjësit.

Sindikata është në mbështetje të zhvillimit afatgjatë të kompanisë dhe sektorit të naftës në përgjithësi dhe në krah të çdo punonjësi dhe po e ndjek çdo të drejtë të secilit prej tyre me çdo mënyrë.