Konferenca Përmbyllëse e projektit “Bota e punës drejt integrimit Evropian
![Konferenca Përmbyllëse e projektit “Bota e punës drejt integrimit Evropian](https://i0.wp.com/clr.al/wp-content/uploads/2023/02/unnamed-1-1-1.jpg?fit=1280%2C960&ssl=1)
CLR organizoi sot Konferencën Përmbyllëse të projektit “Bota e punës drejt integrimit Evropian-Rritja e dialogut social dhe përmirësimi i politikave të punësimit në Shqipëri në procesin e Integrimit Europian”.
Në këtë event, u prezantuan Dokumenti i Politikave dhe një Dokument Strategjik për negocimin mbi të drejtat e punës në procesin e negociatave për integrimin Europian. Të dy dokumentet sollën një analizë të legjislacionit evropian mbi të drejtat e punës, kapitujt mbi alokimin e acquis, rregullat e tranzicionit etj, si dhe analizën e praktikave më të mira të strategjive negociuese mbi të drejtat e punës, me fokus anëtarët e rinj të Bashkimit Europian si Kroacia, Rumania, Bullgaria etj.
Përgjatë kohëzbatimit të projektit, është punuar edhe për të identifikuar, mobilizuar dhe përgatitur burimet dhe aktorët e duhur të sindikatave dhe organizatave të shoqërisë civile që mund të kontribuojnë aktivisht në të ardhmen në këtë proces për të mbrojtur dhe promovuar të drejtat e punës përmes përdorimit të këtyre dokumenteve.
Përmes këtij projekti, u krijua një bord këshillimor i sindikatave dhe organizatave të angazhuara në çështjet e punës me qëllim mobilizimin e aktorëve të botës së punës në çështjet e integrimit evropian. Ky bord këshillimor do të vazhdojë të sjellë kontributin e vet aktiv në të gjitha çështjet e integrimit evropian që lidhen me punën.