CLR: KËRKON REALIZIMIN E TË DREJTAVE NË PUNË TË NAFTËTARËVE TË RAFINERISË NË BALLSH

CLR ka qenë dhe është me çdo mënyrë mbështetëse aktive për realizimin e të drejtave në punë të naftëtarëve të rafinerisë në Ballsh.

Ne mbështesim çdo përpjekje të punonjësve dhe përfaqësuesve të tyre për më shumë të drejta dhe kërkojmë nga qeveria shqiptare dhe punëdhënësi që me rivënien në punë të rafinerisë të mos anashkalohet asnjë e drejtë kolektive e punonjësve.

Punonjësit në këtë moment duhet të jenë të bashkuar, të vëmendshëm dhe sa më aktivë me të gjitha format e reagimit dhe sidomos me tubimet dhe protestat të cilat ata sot i bëjnë më mirë se cilido tjetër në Shqipëri dhe janë shembull për të gjithë.

Vetëm në këtë mënyre ata nuk do përjashtohen nga e drejta për të mbrojtur dhe përfaqësuar edhe kolektivisht të drejtat e tyre në vendin e punës në momentin që rafineria do të rivihet në punë.