“Puna e Denjë”, CLRSD nis monitorimin e programeve politike gjatë fushatës elektorale
![“Puna e Denjë”, CLRSD nis monitorimin e programeve politike gjatë fushatës elektorale](https://i0.wp.com/clr.al/wp-content/uploads/2023/02/logotext.jpg?fit=300%2C156&ssl=1)
Qendra për Marrëdhënie të Punës dhe Dialog Social (CLRSD) do të monitorojë programet politike të partive gjatë fushatës zgjedhore për zgjedhjet e 18 qershorit, me fokus vlerësimin e përfshirjes së “Punës së Denjë”.
Me mbështetjen e fondacionit “Olof Palme Center”, gjatë muajit prill, ekspertë të CLRSD hulumtuan programet aktuale të partive politike përsa i takon mbrojtjes së të drejtave të punëmarrësve në Shqipëri.
Në fund të procesit u arrit si konkluzion se asnjë parti politike nuk ka përfshirë në programin e saj të gjitha dhe plotësisht detyrimet që rrjedhin nga marrëveshja e firmosur me Organizatën Ndërkombëtare të Punës, ILO.
Organizata Ndërkombëtare e Punës, ILO, e konsideron “Punën e Denjë”, si mjaft të rëndësishme për vendet në zhvillim.
Sipas rekomandimeve të ILO, ajo duhet të reflektohet nga cdo qeverisje, por “Puna e Denjë” është detyrim kontraktual i dyfishtë për shtetin shqiptar.
Këto detyrime rrjedhin nga anëtarësimi i Shqipërisë në ILO dhe ratifikimi i konventave bazë të saj si dhe ratifikimit nga vendi ynë i rezolutës së OKB-së mbi “Objektivat e Zhvillimit të Qëndrueshëm”.
Monitorimi i CLRSD deri në datën 1 Maj 2017 tregoi se politikat e punësimit dhe mbrojtja shoqërore janë trajtuar gjerësisht në programet politike, por, komponentët e dialogut social dhe të drejtave të punëmarrësve nuk gjejnë vëmendje.
Katër janë komponentët e “Punës së Denjë” që duhet të jenë të përfshira në programet politike të fushatës zgjedhore të 18 qershorit:
- Të drejtat e punëmarrësve
- Politikat e punësimit
- Mbrojtja shoqërore
- Dialogu social
Por nga monitorimi i kryer nga Qendra për Marrëdhënie të Punës dhe Dialog Social u vu re se asnjë prej partive politike si ka përfshirë të katër komponentët e Punës së Denjë në programet e tyre politike.
Më konkretisht
Në programin politik të PS, trajtohen në kapituj të vecantë politikat e punësimit dhe mbrojtjes shoqërore.
Kjo forcë politike e shikon punësimin si pasojë direkte e politikave shtetërore dhe të lidhur ngushtë me zhvillimin e arsimit professional.
Për PS, lufta ndaj varfërisë është detyrim publik të cilën e kryen nëpërmjet ndihmës direkte në cash të lidhur me shtresat vulnerabel, si p.sh. pensionistët
Partia Demokratike në programin e saj promovon punësimin përmes politikave të sipërmarrjes.
Kjo forcë e djathtë politike e sheh punësimin si derivat të çlirimit të sipërmarrjes nga barra shtetërore
Për PD, mbrojtja shoqërore është kombinim I mekanizmave të tregut të lirë dhe përgjegjësisë shtetërore për të zbutur pasojat negative të tregut.
Programi politik i LSI ka në fokus kryesor punësimin
LSI e konsideron punësimin cilësor, si detyrim shtetëror
Për këtë forcë politike, solidariteti shoqëror është pjesë i axhendës së integrimit europian
LSI është e para parti që përmend të drejtat e punëmarrësve në treg.
PDIU e lidh punësimin dhe mbrojtjen shoqërore me politikat e pushtetit vendor.
Kurse PBDNj nuk jep asnjë informacion lidhur me programin/platformën e saj politike
Partia Republikane e përmend që në hyrje të programit të saj, zhvillimin politik dhe punësimin.
Como um casal deve lidar com isso depois de descobrir que seu cônjuge está traindo? Se o marido deve perdoar a esposa pela traição dela é um assunto que vale a pena discutir. https://www.xtmove.com/pt/how-find-out-my-wife-deleted-call-logs-without-knowledge/
Great read! Your breakdown of the topic is commendable. For further reading, here’s a useful resource: READ MORE. Let’s discuss!