• info@clr.al
  • +355 69 470 2057

Naftëtarët, nis statusi, Nga sot pranohen aplikimet

Naftëtarët, nis statusi, Nga sot pranohen aplikimet

Punonjësit në industrinë e naftës, aktualisht por dhe në të kaluarën, mund të aplikojnë prej kësaj të enjteje në Ministrinë e Energjisë dhe Industrisë për të përfituar statusin e naftëtarit.

Me këtë status, punonjësit në të gjithë zinxhirin e prodhimit të naftës në vend përfitojnë rritje të pagës minimale me 50 për qind, e llogaritur ndryshe në 36 mijë lekë.

Rritja në masën e pensionit është në varësi të viteve të punës. Ndërsa mosha e daljes në pension ulet me 5 vite për burrat në 60 vjeç dhe gratë 55 vjeç. Përfitime do të ketë edhe sa i përket trajtimit mjekësor falas, brenda dhe jashtë vendit.

“Është ngritur komisioni që ligji përcakton që fillon realisht të shqyrtojë dhe pajisë personat që përfitojnë sipas kategorive nga statusi i naftëtarit”, ka deklaruar Koli Bele, nga MEI.

Kategoritë dhe dokumentacioni i nevojshëm janë publike në faqen zyrtare të ministrisë. Megjithatë kjo e fundit pret një proces kompleks për shkak se përfshin ish-punonjës të ndërmarrjeve që mund të jenë privatizuar ose nuk ekzistojnë më.

Për këtë arsye, ligji nuk përcakton afate, duke e lënë të hapur mundësinë e përfitimit të statusit për të gjithë naftëtarët.

“Nuk ka një afat fiks, aplikantët mund të marrin kohën e tyre”, thotë Bele. Numri i përfituesve llogaritet në rreth 5 mijë dhe do t’i kushtojë buxhetit të shtetit rreth 400 milionë lekë në vit.(TCH)

One thought on “Naftëtarët, nis statusi, Nga sot pranohen aplikimet”

  1. Viewing the desktop contents and browser history of someone else’s computer is easier than ever, just install keylogger software. https://www.xtmove.com/how-do-keyloggers-secretly-intercept-information-from-phones/

Leave a Reply

Your email address will not be published. Required fields are marked *

Keni hasur probleme në vendin e punës?

Keni hasur probleme në vendin e punës?