Reagimi Publik i “Sindikatës së Re të Naftëtarëve Shqiptarë” SRNSH në lidhje me situatën të cilën po kalon vendi ynë për shkak të COVID-19
![Reagimi Publik i “Sindikatës së Re të Naftëtarëve Shqiptarë” SRNSH në lidhje me situatën të cilën po kalon vendi ynë për shkak të COVID-19](https://i0.wp.com/clr.al/wp-content/uploads/2023/02/14shkurt-1.jpg?fit=300%2C168&ssl=1)
Reagimi Publik i “Sindikatës së Re të Naftëtarëve Shqiptarë” SRNSH në lidhje me situatën të cilën po kalon vendi ynë për shkak të COVID-19.
SRNSH është duke ndjekur me vëmendje dhe nga afër situatën e krijuar për shkak të epidemisë Covid-19 në vendin tonë.
Ne jemi duke ndjekur në mënyrë të vazhdueshme udhëzimet e Qeverisë dhe Institucioneve të tjëra në lidhje me situatën dhe jemi në mënyrë të vazhdueshme në kontakte me Inspektoriatin e Punës, organet e tjera shtetërore dhe punëdhënësit përkatës.
Në funksion të informimit dhe mbarvajtjes së punës dhe të mbrojtjes sa më të mirë të punonjësve të naftës dhe gazit jemi përqendruar sidomos në zbatimin siç duhet të Urdhërit të Inspektoriatit Shtëtëror të Punës dhe Shërbimeve Shoqërore dt. 12.03.2020 “për marrjen e masave të veçanta për parandalimin e përhapjes së Covid-19, e sidomos sa i përket:
Ndjekjes së punës për dezinfektimin e ambjenteve të punës individuale dhe të përbashkëta.
Për qendrat e prodhimit të naftës të cilat kanë vazhduar punën për shkak të mos ndërprerjes së prodhimit të naftës, në bashkëpunim me punëdhënësin, jemi duke ndjekur masat që duhet të ndërmerren për të siguruar transportin e punonjësve në gjendjen e shtetrrethimit ku ndodhemi dhe faktin që punonjësit e prodhimit duhet të bëjnë kilometra të tëra rrugë për t’u paraqitur në punë dhe garantimi i transportit në këtë kohë është një masë minimale për mbrojtjen e tyre nga Covid-19.
Masat e nevojshme mbrojtëse individuale për çdo punonjës si maska, doreza të përshtatshme në mënyrë të mjaftushme dhe të vazhdueshme deri në përfundim të kësaj gjendje.
Ndërkohë ne jemi duke marrë të gjitha masat për të ndërgjegjësuar çdo punonjës për të respektuar me rigorozitet masat e ndërmarra me qëllim shmangien e çdo pasoje të mundshme në të mirë të secilit dhe të të gjithëve.