Kush të fut në punë? “Ekopolitikë” shpalos ofertat politike përballë realitetit shqiptar

Emisioni “Ekopolitikë” i gazetares Aurora Sulce, në tv “Ora news” pati si fokus të diskutimeve të panelit të të ftuarve, pikën më të fortë të programeve  elektorale të partive politike që garojnë në zgjedhjet e 25 qershorit, punësimin.

“Kush të fut në punë”, ishte tema e diskutimit mes pjesëmarrësve të partive politike dhe ekspertëve të fushës të cilët diskutuan mes tyre se sa reale janë mundësitë  e realizimit të ofertave politike për hapjen e vendeve të reja të punës.

I ftuar në debat me panelin e përfaqësuesve politikë ishte dhe eksperti i Qendrës për Marrëdhënie Pune dhe Dialog Social, CLRSD, Edison Hoxha i cili duke iu referuar monitorimit që po kryen CLRSD për programet politike, theksoi disa nga përfundimet e deritanishme të këtij procesi.

Ky proces mbështetet financiarisht nga fondacioni “Olof Palme International Center” dhe  ka për synim të nxisë partitë politike, të përfshijnë në programet e tyre politike komponentët e punës së denjë si: punësimi, mbrojtja shoqërore, dialogu social dhe të drejtat e punëmarrësve.

http://ekopolitike.oranews.tv/ekopolitike-kush-te-fut-ne-pune/