CLR: THIRRJE QEVERISË SHQIPTARE PËR RATIFIKIMIN E KONVENTËS SË ILO-S C190 “ELEMINIMI I DHUNËS DHE NGACMIMEVE NË BOTËN E PUNËS”
![CLR: THIRRJE QEVERISË SHQIPTARE PËR RATIFIKIMIN E KONVENTËS SË ILO-S C190 “ELEMINIMI I DHUNËS DHE NGACMIMEVE NË BOTËN E PUNËS”](https://i0.wp.com/clr.al/wp-content/uploads/2023/02/8qershor-1-scaledbb.jpg?fit=300%2C156&ssl=1)
CLR mbështet fushatën e BSPSH dhe Solidarity Center (AFL-CIO) dhe i bën thirrje Qeverisë shqiptare për ratifikimin e konventës së ILO-s C190 “Eleminimi i dhunës me bazë gjinore në vendin e punës.
SPSH në kuadër të 1- vjetorit të aprovimit të kësaj Konvente nga Konferenca e Gjenevës Qershor 2019 , ku ndër përfaqësuesit e palës Shqiptare ,vetëm Qeveria Shqiptare e votoi, ne i bëjmë përsëri apel Qeverisë Shqiptare të respektojë votën e saj dhe të ratifikojë sa më shpejt C190.
Apel të veçantë për gratë deputete në Parlamentin Shqiptar për të përshpejtuar procesin e ratifikimit të Konventës së ILO-s C 190, në mënyrë që të gjithë së bashku t’i themi “JO Dhunës me bazë Gjinore në Botën e Punës”.
Deri më sot 2 shtete e kanë ratifikuar këtë Konventë, që tashmë do të jetë e detyrueshme pas 12 muajve, Uruguaj dhe Ishujt Fixhi (në procesin final të ratifikimit).
Italia është në proces shqyrtimi në Parlamentin Italian.
Ju bëjmë apel grave deputete të mos votojnë vetëm ligje për reformat zgjedhore, por të votojnë dhe ligje sociale, ligje të botës së punës, një ndër të cilat që do të parandalonin çdo lloj forme dhune, është edhe C190 e Organizatës Ndërkombëtare të Punës (ILO).
Punetorët duhet të jenë të sigurt në shtëpi, të sigurt në familje!
Mos qëndro indiferent!
Denonco rastet e dhunës në punë dhe në familje!
Kjo fushatë është mundësuar nga BSPSH me mbështetjen financiare nga Solidarity Center pjesë e Sindikatave Amerikane AFL-CIO!