Rafineria e naftës, marrëveshje për kontratat e punëtorëve
![Rafineria e naftës, marrëveshje për kontratat e punëtorëve](https://i0.wp.com/clr.al/wp-content/uploads/2023/02/rafineria-1-2.jpg?fit=300%2C156&ssl=1)
Pas protestave disamujore në kërkim të pagave, duket se ka marrë zgjidhje edhe problemi i punëtorëve të rafinerisë së naftës në Fier. Sot, kompania “Ionian Refining and Trading” njoftoi se ka lidhur kontrata me 150 punëtorët e uzinës së përpunimit të naftës. IRTC ka kontrata edhe me bankat kreditore të ARMO-s dhe zyrat e përmbarimit dhe lajmëron se po vazhdon punën për rikthimin në funksion të uzinës. Në një komunikatë për shtyp thuhet se, me nënshkrimin e kontratave shoqëria IRTC po vijon me përmbushjen e detyrimeve përkatëse. Prej disa mujash puntorët e kësaj rafinerie nuk i kishin marrë pagat dhe protestonin duke kërcënuar se do ta përshkallëzonin në format më ekstreme nëse nuk do të zgjidhej problemi i tyre.