Qendra e Punës, CLRSD: Nxisim qeverinë të miratojë “Statusin e minatorit”
![Qendra e Punës, CLRSD: Nxisim qeverinë të miratojë “Statusin e minatorit”](https://i0.wp.com/clr.al/wp-content/uploads/2023/02/kryeministria-1.jpg?fit=300%2C156&ssl=1)
Qendra për Marrëdhëniet e Punës dhe Dialogun Social (CLRSD) përshëndet gatishmërinë e shprehur nga qeveria për shqyrtimin e projektligjit të përgatitur prej sindikatave të minatorëve. CLRSD është angazhuar prej disa javësh në bisedime konkrete me përfaqësues të sindikatave, Ministrisë së Energjisë e Industrisë ashtu sikurse Ministrisë së Mirëqenies Sociale dhe Rinisë për nxitjen e hapave konkrete që synojnë miratimin e statusit të minatorit.
Në këtë funksion, CLRSD ka bashkëpunuar dhe ofruar konsulencën e saj për sindikatat në formulimin e një drafti të përbashkët me propozimet konkrete të cilat ti paraqiteshin qeverisë. Qendra për Marrëdhëniet e Punës dhe Dialogun Social do të vazhdojë të jetë në kontakt me institucionet përkatëse për shtyrjen përpara të diskutimit të draftit në nivel ndërministror, miratimin e tij në Këshillin e Ministrave e më pas në Parlament.
Shprehim bindjen se shtresa e punëtorëve në industrisë minerare janë ndër më emergjentët për tu trajtuar me një status të posaçëm i cili të garantojë trajtimin e denjë sipas praktikave më të mira evropiane.