Fier, 4 muaj pa rrogë, punëtori kërcënon të hidhet nga oxhaku
![Fier, 4 muaj pa rrogë, punëtori kërcënon të hidhet nga oxhaku](https://i0.wp.com/clr.al/wp-content/uploads/2023/02/rafineria-1-1.jpg?fit=300%2C156&ssl=1)
Një punëtor i rafinerisë së naftës në Fier kërcënon të hidhet nga oxhaku 50 metra i lartë i kompanisë.
Agim Myrdini, 62 vjeç me një shishe benzinë në dorë kërcënonnga lartësia se do të vetëflijohet, pasi prej 4 muajsh nuk ka marrë rrogën. Ai është ngjitur në orën 09:00 të paradites në oxhakun e lartë duke bërtitur, ‘nëse nuk marr paratë, do të hidhem’. Ndërsa ai ka zgjedhur të protestojë në këtë formë kolegët e tij protestojnë së bashku me të në afërsi të oxhakut mbi të cilin qëndron Myrdini. Babi i 4 fëmijëve punon prej 12 vitesh në këtë kompani por vështirësitë ekonomike e kanë shtyrë të protestojë në këtë mënyrë ekstreme. Lartësia e ndërtesës nga ku kërcënon të hidhet punëtori arrin deri në 50 metra, ndërsa policia ka mbërritur në vendngjarje dhe në vendngjarje ka mbërritur një negociator nga kompania e rafinerisë së naftës.
Kjo nuk është hera e parë punonjësit e kompanisë protestojnë, pasi ndaj rafinerisë ka pasur kundërshti edhe më herët ku nuk kanë munguar format ekstreme të shprehjes së pakënaqësisë.
(shqiptarja.com)