CLR reagon për shkeljen e nenit 129/3 të kodit të punës nga një kompani Call Center

CLR reagon për ndërprerjen e marrëdhënieve të punës në një kompani Call Center. Ky veprim është në kundërshtim me ligjin dhe keqinterpretim i nenit 129/3 të kodit të punës.

Neni 129/3 lejon pezullimin e pagës në situatën e krijuar vetëm nëse punëdhënësi në mënyrë të argumentuar e ka objektivisht të pamundur të ngarkojë punëmarrësin me punë.

Këtë pamundësi, punëdhënësi duhet ta diskutojë me sindikatën që përfaqëson punonjësit ose në mungesë të saj me një përfaqësi të zgjedhur të punonjësve me të cilën në përfundim të diskutimeve duhet të bien dakord në një marrëveshje të posaçme dhe të detajuar për të gjitha hapat deri në përfundim të gjendjes së jashtëzakonshme të krijuar.

Në asnjë mënyrë kjo pamundësi objektive për të ngarkuar me punë punëmarrësin nuk i jep të drejtën punëdhënësit të ndërpresë marrëdhënien e punës me punëmarrësin, qoftë edhe përkohësisht.