Akademia e Punës, CLR.AL ftesë për trajnim mbi marrëdhëniet e punës
Qendra për të Drejtat në Punë, CLR.AL, organizon për herë të parë Akademinë e Punës në Tiranë. Eventi do të zhvillohet ditën e shtunë, datë 23 Qershor 2018, ora 10.00, Hotel Mondial, Tiranë,
Akademia e Punës organizohet nga Qendra për të Drejtat në Punë, (clr.al ), organizatë me mision me vizion të qartë dhe të fokusuar tek çështjet e punës, e cila shërben si qendër burimore aktivizmi dhe shërbimesh në ndihmë dhe interes të punonjësve shqiptarë dhe lëvizjes së punës në Shqipëri.
Akademia e Punës do të ofrojë trajnime dhe rritje njohurish për marrëdhëniet e punës, me synim edukimin e punëmarrësve shqiptarë për ushtrimin e të drejtave dhe lirive sindikale dhe modelimin e punëmarrësit sindikalist, aktiv dhe të aftë për të kërkuar dhe ushtruar të drejtat në punë me qëllim jo
vetëm përmirësimin e kushteve të punës dhe jetesës, por edhe përfaqësimin denjësisht të interesave individuale dhe kolektive të punonjësve dhe sindikatave ku bëjnë pjesë në mekanizmat dhe institucionet e dialogut social për të mundësuar punë të denjë, drejtësi, barazi dhe zhvillim të qëndrueshëm ekonomiko-social.
Pas përfundimit të aktivitetit prezantues të Akademisë së Punës, do të kalohet në sesionin e parë të trajnimit, i cili është i hapur për të gjithë pjesëmarrësit që dëshirojnë ta ndjekin.
Për më shumë informacion, lutemi të gjeni bashkëlidhur programin e aktivitetit.