CLR si anëtare e Këshillit Kombëtar të Integrimit Europian

CLR është anëtare e Këshillit Kombëtar të Integrimit Europian. Më 24 Janar në mjediset e Kryesisë së Kuvendit u mblodh Këshilli Kombëtar i Integrimit Europian, i cili shqyrtoi e miratoi Raportin Vjetor 2019 të KKIE.

Temë tjetër e diskutimit ishte zbatimi i strategjisë së migracionit, me fokus mbi masat e marra nga qeveria për kufizimin e migracionit të parregullt të shtetasve shqiptarë drejt vendeve të BE-së duke përfshirë politikat e punësimit, mbrojtjen sociale për personat e rikthyer, politikat arsimore të ndjekura, etj.

Në takim, në cilësinë e anëtarit të këtij komisioni, mori pjesë edhe përfaqësuesi i Qendrës për të Drejtat në Punë CLR, Z. Edison Hoxha. Disa propozime konkrete i janë përcjellë komisionit nga CLR për ndërhyrje konkrete sa i përket çështjeve që lidhen me përmirësimin e standarteve të punës në Shqipëri.