Aksidentet në punë, CLR-sindikatat apel për zbatimin e ligjit “Për sigurinë e shëndetin në punë”
Në Shqipëri, vijojnë të regjistrohen viktima si pasojë e aksidenteve në vendin e punës.
Sektorët më të vështirë si minierat regjistrojnë dhe numrin më të lartë të vdekjeve si pasojë e mungesës së kushteve të punës.
Rasti më i fundit është aksidenti në fabrikën e Cimentos në Elbasan ku humbi jetën një punëtor sindikalist.
Për sindikalistët dhe aktivistët e të drejtave në punë, zbatimi i ligjit për sigurinë dhe shëndetin në punë është shumë i nevojshëm dhe duhet zbatuar me korrektësi dhe seriozitet nga institucionet përgjegjëse.
Nisur nga aksidenti në Fabrikën e Cimentos, Qendra për të Drejtat në Punë, CLR, në bashkëpunim me Sindikatën e Pavarur të Minatorëve të Shqipërisë organizuan në qytetin e Elbasanit një seminar kombëtar me përfaqësuesit sindikal dhe ata të sigurisë dhe shëndetit në punë në sektorët e cimentos, industrisë minierare dhe industrisë së rëndë në vend.
Synimi i këtij semninari ishte ndërgjegjësimi dhe trajnimi i sindikalistëve të Sindikatës së Pavarur të Minatorëve Shqiptarë, punonjësve të angazhuar me sigurinë dhe shëndetin në punë në industrinë e Cimentos dhe Industrinë Minerare për të parandaluar cdo aksident të mundshëm në vendin e punës.
Në seminar morën pjesë dhe referuan ekspertë të ndryshëm të fushës të cilët folën për Minierat dhe disa komponentë që duhet të dinin mbi këtë sektor.
Rregullat e Sigurimit Teknik, Zbatimi mbi Avaritë, Roli i Grupit të Shpëtimit, Zbatimi i Rregullave të Sigurimit Teknik në Industrinë Minerare“ Siguria dhe shëndeti në pune në Fabrikat e Cimentos, Roli i Këshillit të Sigurisë dhe Shëndetit në Punë, . Situata e përgjithshme e sigurisë dhe shëndetit në punë në Shqipëri, ishin disa nga temat e referuesve në këtë takim.
I ftuar në seminar mori pjesë dhe referoi edhe Drejtori i Sigurisë dhe Shëndetit në Punë i Industrisë, “ALL Global Union” z. Brian Kohler , në cilësinë e të ftuarit të nderit.
Qëndrueshmëria “Një angazhim i vazhdueshëm” ka qenë mesazhi që ka përcjellë z.Kohler.
Ai theksoi rëndësinë që ka të kuptuarit nga të gjithë se përgjegjësia në rast të aksidenteve në punë në cdo rast nuk duhet parë si përgjigjësi e punëmarrësit, edhe kur ndodh për neglizhencë të tij.
Gjithashtu ai tërhoqi vëmëndjen e sindikatave për përballjen e tyre me zhvillimet e reja dhe dinamikat e tregut të punës, dixhitalizimin dhe robotizimin e punës, etj.
Në seminar morën pjesë përfaqësues nga Sindikata e Ushqimit, Bujqësisë Tregtisë dhe Turizimit të cilët sollën fakte nga realiteti shqiptar dhe theksuan rëndësinë që asiguria dhe shëndeti në punë për Sindikatën që ata përfaqësojnë.
Përfaqësues të sindikatës së Naftëtarëve të Shqipërisë dhe të Fabrikës së Cimentos në Elbasan dhe Fushe –Krujë folën për sigurinë dh sëhndetin në punë parë nga këndvështrimi i tyre.
Gjithashtu morën pjesë dhe përfaqësues nga Inspektoriati i Punës Elbasan, etj.
Pjesmarrësit në përfundim ranë dakord që seminare të tilla për tema që lidhen me sigurinë dhe shëndetin në punë duhet të jenë sa më të shpeshta dhe duhet të shtrihen në cdo nivel në te gjitha zonat minerare dhe te industrise së rënd me qellim parandalimin e aksidenteve në punë dhe sëmundjeve profesionale.
