Sërish në protestë – Naftëtarët e Fierit tek Prefektura: Të sqarohet pse nuk paguhemi!

Punonjes te Uzinës së Përpunimit të Naftës në Fier i zhvendosën protestat për mosmarrjen e pagave të prapambetura dhe mospagesën e kontributeve shoqërore, para Prefekturës. Naftëtarët thonë se rinisën protestat, pasi mbaroi pa asgjë konkrete afati 10 ditor i lënë nga drejtues të kompanise për pagat e prapambetura dhe sigurimet shoqërore. Naftëtarët e Fierit, kanë bërë disa protesta prej fillimit të vitit, me pretendimin se nuk janë paguar nga kompania që ka marrë në dorë uzinën, pas falimentimit të ARMO-s.