Partnerë – CLR

📣 Qendra për të Drejtat në Punë (CLR) publikon analizën mbi statusin e Punës së Denjë në agjendën e partive politike për zgjedhjet 2025!

CLR — Fri, 09 May 2025 19:19:46 +0000

Qendra për të Drejtat në Punë (CLR) sapo ka publikuar analizën mbi statusin e Punës së Denjë në agjendën e partive politike për zgjedhjet 2025! Raporti krahason se si PS, PD, Lëvizja Bashkë, Partia Mundësia dhe Shqipëria Bëhet e trajtojnë punësimin, mbrojtjen sociale, të drejtat e punëtorëve dhe dialogun social në programet e tyre. Në analizë, evidentohen qartë premtimet konkrete, diferencat ideologjike dhe pesha që i japin këto parti çështjeve të punëtorëve. Lexoni raportin dhe informohuni para votës!

Shkurtimisht, po paraqesim disa nga gjetjet kryesore:

PS ofron premtime të matshme për uljen e papunësisë nën 6%, rritjen e pagës mesatare dhe fuqizimin e grave dhe të rinjve në tregun e punës.
PD fokusohet te reforma fiskale, taksa e sheshtë 10% dhe masa emergjente si paga minimale 500 euro, duke synuar më shumë përmes klimës së biznesit sesa programeve direkte të punësimit.
Lëvizja Bashkë spikat me qasje radikale për punësim dinjitoz: rritje të madhe të pagës minimale, përgjysmim të informalitetit dhe mbështetje për punëtorët emigrantë e organizimin sindikal.
Partia Mundësia vendos theksin te mundësitë individuale, me taksa të ulëta (8%) dhe reformë të administratës, por me pak masa direkte për punësimin ose të drejtat kolektive.
Shqipëria Bëhet i jep më shumë peshë ndihmës sociale për kategori të caktuara (psh. statusi i minatorit) dhe masa sociale për fëmijët dhe pensionistët, por më pak fokus te tregu i punës.

Qendra për të Drejtat në Punë (CLR) ka shpërndarë gjetjet dhe rekomandimet e raportit me partitë politike dhe do të vazhdojë me monitorimin e zbatimit të premtimeve elektorale për punën e denjë, për të nxitur reflektim, për të mbajtur përgjegjës aktorët politikë dhe për të garantuar që fjalët kthehen në vepra.

Gjithashtu Qendra për të Drejtat në Punë (CLR) rekomandon që diskursi politik për zgjedhjet parlamentare 2025 duhet të thellojë trajtimin e cilësisë e standarteve të punës, reformimin e institucioneve, fuqizimin e dialogut social dhe përfshirjen reale të punonjësve në proceset vendimarrëse si element bazë i demokracisë.

Studimi i plotë:

PUNA E DENJË NË AGJENDËN E PARTIVE POLITIKE 2025

Punë e denjë në fushatë: Çfarë premtojnë partitë për përmirësimin e jetës së shqiptarëve

CLR — Wed, 07 May 2025 15:34:32 +0000

Qendra për të Drejtat në Punë (CLR), në kuadër të mbështetjes së vazhdueshme të Olof Palme International Center (OPC) në bashkëpunim me Prof. as. dr. Zylyftar Bregu ka realizuar studimin e programit të partive politike në Shqipëri gjatë fushatës për zgjedhjet parlamentare 2025 për cështjet e punës së denjë.

Më poshtë artikulli që përmbledh gjetjet kryesore të studimit për 5 partitë politike kryesore në Shqipëri: Artikull_Puna e Denje_Zgjedhje 2025

IRIS NETWORK NATIONAL MEETING – TAKIMI KOMBËTAR I RRJETIT IRIS

CLR — Mon, 28 Apr 2025 09:34:02 +0000

Centre for Labor Rights (CLR) in it’s capacity as the National Coordinator of the IRIS Network held today the 3rd national meeting with the participation of 20 partner organizations of the network, social service providers of the country.

The meeting brought together new and old members of the network as well as representatives from the Ministry of Health and Social Protection as an integral part of the advancement of the Project: Strengthening capacities and policy engagement of community service providers – IRIS PROGRESS.

The member organizations were not only introduced to the progress of the project implementation so far and their organization’s latest commitments according to the field they cover, but also analyzed and discussed the key findings and recommendations for Albania of the latest benchmark study at the regional level of IRIS Network on social progress in the framework of EU integration.

Takimi Kombëtar i Rrjetit IRIS

Qendra për të Drejtat në Pune CLR në cilësinë e Koordinatorit Kombëtar të Rrjetit IRIS mbaji sot takimin e 3-të kombëtar me pjesëmarrjen e 20 organizatave partnere të rrjetit, ofrues të shërbimeve sociale në vend. Takimi bëri bashkë anëtarë të rinj e të vjetër të rrjetit si dhe përfaqësues nga Ministria

e Shëndetësisë dhe Mbrotjes Sociale si pjesë integrale e avancimit të Projektit: IRIS Progres, zhvillim kapacitetesh dhe angazhim në politika sociale i ofruesve të shërbimeve komunitare.

Organizatat anëtare jo vetëm qe u njohën me ecurinë e projektit deri më tani dhe me angazhimet e tyre të fundit sipas fushës që mbulojnë por edhe u analizua dhe diskutuan gjetjet dhe rekomandimet për Shqiperinë të studimit të fundit krahasimor në nivel rajonal të rrjetit IRIS mbi progresin social në kuadër të integrimit në BE.

THIRRJE PËR PJESËMARRJE – RRJETI IRIS/ AKADEMIA SOCIALE RAJONALE 12-15 MAJ BUDVA, MALI I ZI

CLR — Tue, 01 Apr 2025 09:05:03 +0000

Qëndra për të Drejtat në Punë (CLR) në cilësinë e Koordinatorit Kombëtar të Rrjetit IRIS në bashkëpunim me rrjetin IRIS (Rrjeti i OShC-ve ofrues të shërbimeve sociale) dhe Arbeiter-Samariter-Bund Deutschland e.V. shpallin Thirrjen për pjesëmarrës në Akademinë Sociale Rajonale, e cila do të mbahet në Beçiqi, Budva të Malit të Zi nga data 12 deri më 15 maj 2025.

Akademia Rajonale u ofron pjesëmarrësve një mundësi unike për t’u përfshirë në një program trajnimi gjithëpërfshirës që integron një qasje të bazuar në të drejtat e njeriut (HRBA) me strategjitë e barazisë gjinore, ofrimin e shërbimeve dhe mekanizmat për mbrojtjen dhe fuqizimin e grave. Pjesëmarrësit do të marrin pjesë në një trajnim katër-ditor, i cili përfshin metodologji të ndryshme të të mësuarit, duke përfshirë leksione, seminare, diskutime dhe vizita në terren. Programi i Akademisë është krijuar për të mbështetur pjesëmarrësit në forcimin e njohurive dhe kapaciteteve të tyre për barazinë gjinore dhe të drejtat e grave brenda konteksteve të tyre profesionale dhe institucionale.

Për të qënë pjesë e Akademisë, të gjithë aplikantët duhet të plotësojnë formularin e aplikimit në anglisht i cili gjendet brenda në dokumentin bashkëlidhur. Bazuar në kriteret e thirrjes dhe aplikimet e dorëzuara, pjesëmarrësit do të përzgjidhen nga Shqipëria, Bosnja dhe Hercegovina, Kosova, Maqedonia e Veriut, Mali i Zi dhe Serbia. Afati i fundit për aplikim është 11 Prill 2025 në orën 17:00.

Link-u i aplikimit bashkë me detaje të tjera: Academy Call for Participants Montenegro 12_15 May

THIRRJE PËR PRAKTIKANTË ME PAGESË NË ORGANIZATA TË SHOQËRISË CIVILE – IRIS NETWORK

CLR — Thu, 20 Mar 2025 11:22:52 +0000

Në kuadër të projektit të financuar nga BE-ja “Forcimi i kapaciteteve dhe angazhimi në politika të ofruesve të shërbimeve komunitare – IRIS PROGRESS”, në cilësinë e Koordinatorit Kombëtar të rrjetit IRIS, Qendra për të Drejtat në Punë CLR hap thirrjen për praktikantë në organizata të shoqërisë civile, ofrues të shërbimeve komunitare, anëtar të Rrjetit IRIS e jo vetëm.

Programi i praktikave të punës ka për qëllim ofrimin e praktikave të punës me pagesë, 3 muaj në organizatat e shoqërisë civile që ofrojnë shërbime sociale, për studentët e degëve të: Punë dhe Politika Sociale, Sociologji, Psikologji, Pedagogji dhe profesione të tjera të angazhuara në ofrimin e mbrojtjes dhe shërbimeve sociale.

Të ineresuarit të dërgojnë aplikimin pranë postës elektronike të CLR: info@clr.al duke bashkëlidhur CV, letër motivimi dhe letër rekomandimi nga Profesori i Fakultetit përkatës.

Afati i aplikimit: 7 prill 2025.

Për detaje të tjera mbi programin e praktikave të punës, lutemi të shihni link-un më poshtë.

Iris Progress – Traineeship Programme – Call for Trainees

Publikohet studimi krahasimor mbi Progresin Social për 6 vendet e Ballkanit Perëndimor

CLR — Wed, 05 Mar 2025 09:18:44 +0000

Ju ftojmë të lexoni një pasqyrë të progresit drejt BE-së të vendeve të Ballkanit Perëndimor në fushat e politikave të shërbimeve sociale, mbrojtjes së të drejtave të njeriut, politikave kundër diskriminimit, punësimit dhe ekonomisë sociale.

Studimi “Progresi Social – Studimi krahasimor rajonal” u përgatit në kuadër të forcimit të kapaciteteve dhe angazhimit në politika të ofruesve të shërbimeve komunitare/sociale – projekti IRIS PROGRESS, që zbatohet nga 6 organizata të ndryshme nga vendet e Ballkanit Perëndimor si Iniciativa për Zhvillim dhe Bashkëpunim IDC (Serbi), në bashkëpunim me partnerët e projektit Arbeiter – Samariter – Bund Deutschland ( Gjermani), Qendra për të Drejtat në Punë CLR (Shqipëri), LIR CD (BiH), Qendra për Jetën e Pavarur (Kosovë), Instituti i Zhvillimit të Komunitetit (Maqedonia e Veriut) dhe Alfa Center (Mali i Zi) i financuar nga Bashkimi Evropian.

Link-u i studimit: https://drive.google.com/file/d/1-3M-41apPMGOz_GFbUxGZeCAFS-hBq-w/view

Vizitë në Parlamentin Suedez dhe në zyrat e LO

admin — Mon, 03 Apr 2023 20:45:03 +0000

Ishte një nder të vizitonim Parlamentin Suedez si të ftuar të veçantë të parlamentares socialdemokrate Åsa Eriksson, e cila na tregoi më shumë për historinë dhe funksionimin e këtij parlamenti.

Kjo vizitë u shoqërua me një takim me parlamentaret Olle Thorell dhe Markus Tsige mbi të cilët folëm për më tej për rrugën e Shqiperisë drejt Bashkimit Evropian dhe rëndësinë e lëvizjes së të drejtave të punës.

Pastaj vizita vazhdoi në zyrat e LO (Konfederata e Sindikatave Suedeze) në Stockholm ku mësuam më shumë mbi punën e tyre dhe diskutuam për bashkëpunime në të ardhmen.

Mirënjohës ndaj partnerëve dhe miqve tanë të ABF Västerås/ Västmanland Eva-Marie Evis Rasmusson Shpetim Pirraku dhe Besim Matoshi qe na mirëpritën në Suedi dhe mundësuan një vizitë frytëdhënëse që do të çojë përpara partneritetin tonë dhe lëvizjen e punës në Shqipëri.

Takim me partnerët tanë të ABF në Suedi

admin — Wed, 29 Mar 2023 19:47:05 +0000

Ishte kënaqësi për ne si CLR, të takojmë partnerët tanë të ABF Västerås/ Västmanland në Vasteras dhe të mësojmë më shumë prej tyre si dhe të ndajmë eksperienca të vlefshme.

Në Elbasan për të diskutuar mbi të drejtat dhe sigurinë në vendin e punës

admin — Thu, 22 Dec 2022 16:00:21 +0000

CLR ishte e ftuar në një tryezë diskutimi nga Lëvizja Rinore Egjiptiane dhe Rome në Elbasan, për të vënë theksin në respektimin e të drejtave të punëtorëve të pastrimit, shëndeti dhe sigurinë në vendin e punës.

Nina Corder ndan eksperiencën e saj nga “Women of Toledo”

admin — Thu, 22 Sep 2022 21:29:16 +0000

Jemi mirënjohes, që si CLR, patëm mundësi të takojmë nga afër dhe mësojmë më shumë nga Znj. Nina Corder, Drejtuese Ekzekutive e Women of Toledo, një organizatë që operon në Toledo, Ohio, e cila na tregoi më shumë mbi rrugëtim e saj profesional dhe punën që organizata e saj bën për komunitetin.
Përgjatë workshopit që realizuam sot me anëtarë te stafit dhe partnerë, ajo ndau me ne filozofinë e saj të punës dhe mjete që mund të përdoren për të forcuar organizatën dhe të rritin impaktin e punës së saj.