• BACKGROUND:
  Qendra për të Drejtat ë Punë (CLR) është një organizatë jofitimprurëse shqiptare, e themeluar
  në vitin 2016 në Tiranë nga një grup profesionistësh dhe aktivistësh të interesuar për të drejtat
  e punës si pjesë e pakthyeshme e të drejtave të njeriut, mbi dinjitetin dhe edukimin e
  punëtorëve dhe respektin ndaj parimet e punës së denjë në Shqipëri. Me misionin për të
  mbështetur punonjësit dhe për t’u angazhuar në programe dhe projekte që u mundësojnë atyre
  të ushtrojnë të drejtat e tyre për të përmirësuar kushtet e punës dhe të jetesës; për të nxitur dhe
  mbrojtur të drejtën e shoqërimit dhe për të promovuar dialogun social dhe punën e denjë,
  drejtësinë sociale dhe barazinë për zhvillimin e qëndrueshëm demokratik të shoqërisë
  shqiptare, CLR punon me punonjësit, sindikatat, këshillat e punëtorëve, përfaqësuesit e
  këshillave të sigurisë dhe shëndetit në punë, civilë organizata të shoq ërisë, grupe të ndryshme
  interesi, institucione shtetërore, universitete shtetërore dhe private, organizata punëdhënësish
  ose/dhe subjekte biznesi, institucione të tjera shtetërore ose private të kërkimit dhe arsimit në
  Shqipëri dhe në rajon.
• PËRMBLEDHJE E PROJEKTIT DHE PËRSHKRIM I OBJEKTIVAVE
  Qëllimi kryesor i këtij projekti është ndërgjegjësimi i të rinjve të shkollave profesionale për
  kushtet e punës, të drejtat dhe detyrat binomike të punës sezonale, me fokus rëndësinë e
  Sindikatave dhe legjislacionit shqiptar. Ky projekt propozim bazohet në një rrugë trevjeçare të
  zbatimit ciklik dhe i ka rrënjët brenda këtyre objektivave kryesore:
  o Rritja e aksesit në informacion mbi kontratat e punës, sindikatat, kushtet e punës,
  kërkesat për punë, sigurimet shëndetësore dhe sociale (për të drejtat e punës dhe
  standardet e punës);
  o Rritja e kapaciteteve organizative dhe komunikuese të politikave të punësimit të të
  rinjve, veçanërisht në lidhje me punën sezonale;
  o Inkurajimi dhe forcimi i bashkëpunimit ndërmjet institucioneve publike dhe sektorit
  privat për përmirësimin e avokimit të kushteve të punës sezonale;
  o Informimi dhe këshillimi i të rinjve për këshillim dhe orientim në karrierë.
  Në bashkëpunim ne synojmë të rrisim kapacitetet tona dhe të hyjmë në kontakt me realitete të
  tjera të ngjashme, por edhe të krijojmë sinergji me aktorë dhe aktorë të ndryshëm.
  Bashkëpunimi synon të forcojë kapacitetin e LIBURNETIK-ut dhe aktivitetet e tij dhe të
  specializojë, përmes përvojës së përbashkët, anëtarë/staf të ndryshëm të LIBURNETIK-ut, duke
  qëndruar të sintonizuar dhe në kontakt me sindikatat dhe OSHC-të e tjera që punojnë në këtë
  temë, në mënyrë që të rritet aksesi në punë e denjë për të rinjtë.
• METODOLOGJI
  Ekspertit/es do ti kërkohet të hartojë një Raport Studimor në lidhje me Anketimin e kryer me
  studentët dhe punonjësit e sektorit te Hoteleri-Turizmit.
  Të dhënat do të mblidhen përmes një Ankete/Pyesori online i cili pritet t’u drejtohet të rinjve që
  janë në kushte pune, por edhe atyre që së shpejti do të hyjnë në tregun e punës. Më pas të
  dhënat do të përpunohen dhe do të formojnë bazën e përmbajtjes së studimit.
  Do të kryhet studimi i fenomenit dhe aftësia për të marrë një pamje të situatës. Ne vijim do të
  mbahen focus-grupe me grupin e synuar për të kuptuar se cilat janë njohuritë e tyre mbi kushtet
  e punës dhe si rrjedhojë finalizimi me një studim mbi nevojat e territorit në këtë fushë.
• DETYRAT QË DUHEN KRYER NGA KONTRAKTORI
  Detyrat specifike të kontraktorit do të jenë:
  a) Të përgatisë pyetësorin për tu shp;erndarë tek të rinjtë e sektorit të Hoteleri-Turizëm
  b) Të realizojë trajnimin e anketuesve;
  c) Të pregatisë studimin dhe ta konsultojë me ekspertët e CLR dhe Liburnetik
  d) Të përgatisë rekomandimet e studimit dhe ti konsultojë me ekspertët e CLR dhe
  Liburnetik
• EKSPERTIZA, PËRVOJA DHE AFTËSITË E KËRKUAR:
   Ekspertizë e thelluar në të drejtat e punës në sektorin Hoteleri-Turizëm;
   Aftësi e dëshmuar për të kryer kërkime të thelluara mbi fushat relevante;
   Aftësi për të punuar brenda afateve të përcaktuara dhe për të respektuar limitet
  buxhetore;
   Disponueshmëria për të marrë pjesë për të paraqitur rezultatet.
   Përvojë në punë në projekte të nivelit evropian;
• AFATI KOHOR DHE RAPORTIMI
  Ekspertit/es do t’i kërkohet të kryejë detyrat e sipërpërmendura brenda periudhës së
  implementimit të projektit sipas kërkesave të kontraktorit. Ju lutemi vini re se datat e sakta të
  ngjarjeve të sipërpërmendura mund t’i nënshtrohen ndryshimeve të lehta për shkak të
  situatave të paparashikuara që nuk lidhen me menaxhimin e projektit. Raportimi do të bëhet
  sipas rregullave të përcaktuara nga organizata dhe të paraqitura në kontratën e shërbimit.
• PAGESA
  Buxheti maksimal i disponueshëm për Ekspertizën është 893.343 ALL (ekuivalenti në
  monedhën vendase i 75.500 SEK) (përfshirë TVSH-në dhe taksat)

Në këtë event, u prezantuan Dokumenti i Politikave dhe një Dokument Strategjik për negocimin mbi të drejtat e punës në procesin e negociatave për integrimin Europian. Të dy dokumentet sollën një analizë të legjislacionit evropian mbi të drejtat e punës, kapitujt mbi alokimin e acquis, rregullat e tranzicionit etj, si dhe analizën e praktikave më të mira të strategjive negociuese mbi të drejtat e punës, me fokus anëtarët e rinj të Bashkimit Europian si Kroacia, Rumania, Bullgaria etj.

Përgjatë kohëzbatimit të projektit, është punuar edhe për të identifikuar, mobilizuar dhe përgatitur burimet dhe aktorët e duhur të sindikatave dhe organizatave të shoqërisë civile që mund të kontribuojnë aktivisht  në të ardhmen në këtë proces për të mbrojtur dhe promovuar të drejtat e punës përmes përdorimit të këtyre dokumenteve.

Përmes këtij projekti, u krijua një bord këshillimor i sindikatave dhe organizatave të angazhuara në çështjet e punës me qëllim mobilizimin e aktorëve të botës së punës në çështjet e integrimit evropian. Ky bord këshillimor do të vazhdojë të sjellë kontributin e vet aktiv në të gjitha çështjet e integrimit evropian që lidhen me punën. 

Ky forum synoi të sjellë bashkë përfaqësues të institucioneve publike, organizatave të punëdhënësve, sindikatave dhe shoqërisë civile me qëllimin për të nxitur një dialog të shëndetshëm mbi promovimin dhe garantimin e sigurisë dhe mbrojtjes së shëndetit të punëmarrësve.  

Forumi u organizua në një periudhë të paprecendentë pandemie të COVID-19, pandemi e cila ka sjellë risqe të shtuara në vendin e punës,  përfshirë rrezikun e transmetimit të  virusit dhe të tjera rreziqe të  sigurisë dhe shëndetit në punë që janë shfaqur si rezultat i masave për të zbutur përhapjen e virusit. Ndaj ky forum u fokusua  edhe  te sistemet kombëtare të sigurisë dhe shëndetit në punë për t’u përballur me krizat e tashme dhe të së ardhmes duke nxitur zbatimin adeguat të ligjit dhe krijimin e një kulture të parandalimit dhe mbrojtjes së shëndetit 

Gjatë konferencës, CLR theksoi rëndësinë e organizatave të forta sindikale, forcimin e dialogut dypalësh në vendin e punës dhe funksionimin e vërtetë të Këshillave të Sigurisë e Shëndetit në Punë, si faktorë të rëndësishëm në garantimin e vendeve të punës të sigurta e të shëndetshme.