Kjo vizitë u shoqërua me një takim me parlamentaret Olle Thorell dhe Markus Tsige mbi të cilët folëm për më tej për rrugën e Shqiperisë drejt Bashkimit Evropian dhe rëndësinë e lëvizjes së të drejtave të punës.

Pastaj vizita vazhdoi në zyrat e LO (Konfederata e Sindikatave Suedeze) në Stockholm ku mësuam më shumë mbi punën e tyre dhe diskutuam për bashkëpunime në të ardhmen.

Mirënjohës ndaj partnerëve dhe miqve tanë të ABF Västerås/ Västmanland Eva-Marie Evis Rasmusson Shpetim Pirraku dhe Besim Matoshi qe na mirëpritën në Suedi dhe mundësuan një vizitë frytëdhënëse që do të çojë përpara partneritetin tonë dhe lëvizjen e punës në Shqipëri.

Kryeministri e quajti lëvizjen sindikaliste në Shqipëri “fantazmë”, duke goditur si sindikatat ne bllok dhe duke demoralizuar punëtorët që kishte përballë, për mundësi përfaqësimi sindikal në sektorin e fasonerisë.

Koalicioni Shqiptar për të Drejtat në Punë i përbërë nga sindikata dhe organizata të shoqërisë civile në mbrojtje të të drejtave në punë informon median dhe publikun shqiptar që në vitet e fundit janë organizuar sindikata te ndryshme, pas përpjekjeve serioze për të fuqizuar strukturat sindikale në disa prej sektorëve kyç të ekonomisë, punë e cila vazhdon ditë pas dite, pavarësisht sfidave.

Koalicioni Shqiptar për të Drejtat në Punë është krijuar me besimin se zgjidhja për të drejtat në punë vjen nga vullneti dhe puna e përbashkët e sindikatave, organizatave të shoqërisë civile në mbrojtje të të drejtave në punë, kompanive private, si dhe nga mbështetja e institucioneve shtetërore.

Ne mendojmë se, retorika atakuese ndaj sindikatave në Shqipëri, jo vetëm që nuk ndihmon në ofrimin e një zgjidhje, por e përkeqëson mbrojtjen e të drejtave në punë të punonjësve/eve sot e në të ardhmen në Shqipëri. Nxitja e bashkëpunimit trepalësh midis Inspektoratit të Punës dhe Shërbimeve Sociale, sindikatave dhe organizatave të biznesit në projektimin dhe kryerjen e vizitave në kompani dhe institucione të ndryshme në trajtimin e çështjeve që ndikojnë në respektimin e punës, kundër diskriminimit dhe dhunës në punë si dhe marrëdhëniet dhe kushtet e punës janë aksione thelbësore dhe kërkojnë përmirësim.

Koalicioni Shqiptar për të Drejtat në Punë

Një sfidë, ku pritet që gratë të balancojnë jetën e tyre personale dhe profesionale apo një kompromis ku gratë duhet të zgjedhin midis aspiratave të karrierës dhe përgjegjësive të tyre familjare.

Diskutuam me 4 paneliste të shkëlqyera mbi sfidat që hasin për të balancuar jetën e tyre profesionale me atë personale dhe zgjidhjet që ato kanë gjetur për këto sfida.

Në të vërtetë dualiteti i jetës së grave nuk është një çështje personale, por një çështje shoqërore. Gratë nuk duhet të zgjedhin mes jetës së tyre personale dhe profesionale, por duhet të jenë në gjendje të lulëzojnë në të dyja.

Duke adresuar çështjet themelore shoqërore që kontribuojnë në dualitetin e jetës së grave, ne mund të krijojmë një botë më të barabartë dhe gjithëpërfshirëse për të gjithë.

Së bashku me disa nga partnerët tanë, përfaqësues të sindikatave, zhvilluam sot trajnimin me temë: “ABC-ja e Shkrimit të Projekteve”, i cili konsistoi mbi 5 hapat e nevojshëm që duhen ndjekur për të shkruar një projekt duke e ilustruar me shembuj konkret, gjë e cila na ndihmoi të qartësojmë ndarjen e aktiviteteve nga rezultatet në një të tillë.

 Pas punës në grupe, arritëm bashkarisht të ndërtojmë projekt-propozimet tona për tema që prekin aktualisht botën e punës, të cilat më pas i prezantuam me njëri-tjetrin.